my ads

Tuesday, October 25, 2016

සීතල යුද්ධය ( Part 4 )


වැල්ලවත්ත



කලණ සිය  වාහනය  මුහුදු  මහා  මාර්ගයේ  කෙළවරට  මීටර  සියයකට  පමණ පෙර නතර  කරේය.  ඊට  කිලෝ  මීටර බාගයකට  පමණ දුරින් දුම්රිය මාර්ගයට දකුණු පසට  වන්නට පිහිටා  තිබුණු  අවන්හලට ඔහු මේ  යන්නේ  සිය පාසල් මිතුරා  හමු වන්නටය.  කලින් වෙන් කරවාගත්  පරිදි  අවන්හලේ  සිට මුහුදු වෙරළට  ලඟින්ම පිහිටි එළිමහන්  මේසය  වෙත  ගිය කලණ  එහි  සිටි සිය මිතුරාගේ  සිගරට්ටුව  බිම වැටෙන  පරිදි ඇඟිල්ලෙන් ඇන්නේය.

"උඹට  විනාඩි දහයක් ඉන්න බෑ  නේද ?"

" යකෝ අපි schedule  එකකට  වැඩ කරන මිනිස්සු  උඹල වගේ  බඩියන්ව කඩේ  යවන්නේ නෑ...  "   

ප්‍රධාන  පෙලේ ඔස්ට්‍රේලියානු  ගුවන් සමාගමක  පියාසර  ඉංජිනේරුවෙකු  වූ  සම්පත්  ගජෙන්ද්‍ර පෙරේරා අලුත්  සිගරට්ටුව  දල්වගන්නා  ගමන් පැවසීය.


" මොකද බන්  උඩහ  පැත්තේ  වෙන්නේ "

සම්පත් සිය වොඩ්කා  වීදුරුව  පුරවාගන්නා  ගමන් ඇසුවේය.

"කියන්න තරම් වරදකුත්  නෑ  ලොකු හොඳකුත් නෑ. අනික බන් මම මේ  ටිකේම වගේ කොළඹ. කොහොමත්   ජයසිකුරු misson  එකෙන්  පස්සේ  දපැත්තටම  ලොකු මිලිටරි  ගේමක්  දෙන්න  හයියක් නෑ"

කලණ  මදක්  වටපිට බලා මදක් සෙමින් පැවසුවේය.  

 "උඹ හදිස්සියේ මට එන්ඩ කිව්ව  හින්දයි   කඩාගෙන  ආවේ. උඹ  දන්නවනේ නිවාඩුවට  ආවම  රටේ  නැති  කතන්දර..."

බැරෑරුම්  මුහුණක් හදාගත්  කලණ  තමාගේ   කාරණාව  සිය පාසල්  මිතුරා  ඉදිරියේ   හරින්නට  විය.

"මේ photos  වල  තියන parts  උඹ අඳුරනවද ? " 


කලණ  තමන් අත තිබූ  ලිපි  ගොනුවෙන්  එලියට  වර්ණ  චායාරූප  කිහිපයක් සම්පත් දෙසට විසි කලේය.


"මේක පොඩි  air craft  එකක පාර්ට්ස්  බන්.  short range  වැඩ වලට  ගන්න ඒවා.  උඹ  එකක් ගන්නද ?"

සම්පත්  සිනාසෙමින්  ඇසුවේය.

"උඹ  නම්  ඉතින් හිනා වෙයි. මට උඹට  මුළු විස්තරේම  කියන්න විදියක් නෑ. උඹ ලංකාවෙන්  යන්න කලින් මට මේකේ  details   දීල  පලයන්."

     







Wednesday, January 13, 2016

සීතල යුද්ධය ( Part 3 )


පනාගොඩ 

"වාඩි  වෙන්න  කැප්ටන්..." 

කර්නල් ඇන්ටන්  කළුගම්පිටිය සිය බර කටහඬ අවදි කරේය.

"තමුන්ට මේ ගැන  හරියටම ෂුවර් ද?"

ශ්‍රී ලංකා  යුද්ධ හමුදා බුද්ධි අංශයට අනුයුක්තව කටයුතු කරමින් සිටි කපිතාන් කලණ  වික්‍රමසුරිය දෙස  ඔහු තියුණු බැල්මක් හෙලමින් ඇසුවේය. මීට  පෙරත් කර්නල් වරයා  වෙත මෙවැනි  බුද්ධි අංශ වාර්තා  ආවත්  ඒ සියල්ල LTTE  නායකයාගේ මහා විරු දින පුරසාරම් පමණක්ම.


"සර් මේක  උතුරෙන් අපු රිපෝර්ට් එකක් නෙමේ. යුරොප්  වල ඉන්න අපේ ඒජන්ට්  කෙනෙක් through ආපු එකක්. සේරම පර්චෙස් ඕඩර්ස් මම ෆලෝ  කරා ඔය ශිප්මන්ට් එකෙන්  බාගයක්  දැනටත්  වරායෙන් එලියට ගිහින් "


මදක් කල්පනා කර කෙටි  කලකින් විශ්‍රාම යාමට නියමිතව  සිටි කර්නල් වරයා කලේය.

"මේකයි  කළණ ප්‍රශ්නෙ.  මේක මම කළණට කියන්නේ රාජකාරියෙන් පිට දෙයක් හැටියට. තව ටික  දවසකින්  සටන් විරාමයක් එන කතාවක් තියනවා ඊට  කලින් කරන දෙයක්  කරන්න වෙනවා. මන් මේක  කොළඹ යුනිට් එකට කියන්නම් කලණ  ලබන සතියේ ඇවිල්ලා  මාව හම්බෙන්න"


තරුණ කපිතාන්වරයාගේ දෙනෙත උද්යෝගයෙන් දිලිසෙන්නට විය. සිය බුද්ධි  අංශ  වාර්තාව ක්ෂේත්‍ර මෙහෙයුමක් වන දිනය වැඩි  ඈතක නොවන  බව වැටහී තිබුණි.


කලණ පිට වී යෑමත් සමග කර්නල් වරයා බර කල්පනාවකට වැටුනේය.  ඒ වන විට ඔහුට යුද්ධය එපා වී තිබිණි. තව මාස හයකින්  ඇරඹෙන  සිය දිගු  විශ්‍රාම  දිවිය පිලිබඳ ඔහු කල්පනා කරේය. ලන්ඩන්  පදිංචි සිය දියණිය වෙත යාමට ඔහු සියල්ල  සැලසුම් කර තිබිණි.  කලණ ගෙන ආ  වාර්තාව අතට ගත් ඔහු දුරකථනය  අතට ගත්තේය. 

"මගේ සර්විස්  එක්ස්ටෙන්ෂන් එකට මම කැමතියි සර්.. මම සර්ට දැන් ලියුම අත්සන් කරලා එවන්නම්. 
අනික මට ආරක්ෂක  ලේකම්  තුමා හම්බෙන්න ඕන අදම"   

   

Wednesday, September 9, 2015

සීතල යුද්ධය ( Part 2 )

කල්මඩු කුලම් 

ඉරණමඩු වැව ළඟ සිට කිලෝ මීටර් 20ක් පමණ දකුණට වන්නට පිහිටි කල්මඩු කුලම් නමැති පාලුවට ගිය වැව පිහිටා  තිබුණි. ඒ අසල පිහිටි කුඩා නිවසක ජෙහාන්ට සහ කුමාරට නවාතැන්  ලැබුණි. ඉරණමඩු වැව අසලම නවතන් ලැබුණානම් වැඩ හොඳයයි  ජෙහාන්ට සිතුනත් එක අතකට මෙතන නිදහස්ය. පෙර දින LTTE  සාමාජිකයෙක්ට ගෝල්ඩ් ලීෆ් පැකට් එකකකට හුවමාරු කරගත් ශාක සාර සුරුට්ටුවක් ඔතාගත් ජෙහාන්  කල්පනාවට වැටුණේය. 

මේ කෙහෙල්මලට සතියක් හිර වීම ඔහුට කෙසේවත් දරාගත නොහැක. අනෙක් අතට මේ විසා  එක හරි ගියහොත් ඔහුට ලැබෙන ගතමනාව කොළඹදී  ඔහු කරන වැඩ  දහයකින්වත් උපයාගැනීමට බැරි බවත් ඔහු හොඳින් දැන  සිටියේය.

"සර් බයිට් එකට තමයි මුකුත් නැත්තේ.."

කුමාරගේ කටහඬින් ගැස්සී ගිය ජෙහාන්ට  කුමාර දුටු විට සිනා පහල විය. කුමාර අමුතුම ජොකියෙක් බව ඔහුට වැටහෙමින් තිබුණි. ඊයේ බයේ ගැහෙමින් සිටි කුමාර අද වනවිට මේ ගමන පුංචි පහේ විනෝද ගමනක් කරගෙන සිටියේය. ඔහු ඇතැම් විට ඔවුන්ගේ ආරක්ෂාවට සිටි LTTE  සාමාජිකයන් සමග කැඩිච්ච දෙමළෙන් හා  සිංහලෙන් පැය ගණන් කයිය ගසමින් සිටියේය.මේ කෙහෙල්මල් යුද්ධය කිසිම කමකට නැති එකක් බව ජෙහාන් තදින්ම විශවාස කරේය. එය තනිකරම දෙමළ  හා  සිංහල ප්‍රභූන්ගේ බලය සඳහා සාමාන්‍ය ජනතාවගේ ප්‍රශ්න යොදාගැනීම හේතුවෙන් ඇති වුවක් බව කලකට ඉහතදී සිය පියා මෙල්බර්න් හිදී  ඔහු සමග පැවසූ ආකාරය ඔහුට සිහි  විය.

"සර් වෙනදට ආවමත් මේ ගෙදරද ඉන්නේ ?"

"නෑ  නෑ  මම හිටියේ ඉරණමඩු වැව  ළඟ මන් හිතන්නේ මුන්ගේ මොකක් හරි වැඩක්  ඇති  එකයි මෙතන දෙන්න ඇත්තේ.. "

"හ්ම්ම්ම්.. එතකොට මේ බිස්නස් එකට ගොඩක් කල් ද? "

"අවුරුද්දක් වගේ වෙනවා මේ පැත්තේ  වැඩ  කරන්න අරන්, අනික දැන් කොළඹ මේ වැඩේ කරන අය වැඩියි කුමාර.. "


කොළඹින් ගෙනා  පරණ  අරක්කු බෝතලයෙන් බාගයක් ඉවරවීමට පෙර මහේන්ද්‍රන් පැමිණියේය. සිවිල් ඇඳුමෙන් සැරසුන ඔහුගේ පෙනුම වඩාත් ලං  වුයේ හෙට්ටි වීදියේ රත්තරං මුදලාලි කෙනෙකුට හෝ  දෙමළ දේශපාලකයෙක්ටය.

"ජෙහාන් ෆොටෝස් ටික තම අවේ නෑ  අනික මට සල්ලි රෙඩි  කරගන්ටත් ඕන"

"මට ප්‍රශ්නයක් නෑ  මිස්ටර් මහේන්ද්‍රන් හැබැයි දුවගේ පාස්පෝර්ට් එක එයාර් පොර්ට් එකෙන් චෙක්  කරද්දී අවුලක් වෙන්නේ නැත්තම් එච්චරයි."

"මේ ෆයිල් එකේ ඕන සේරම දේවල් තියනවා. ජෙහාන් කොළඹ ගියාම චෙක්  කරගන්න කෝකටත්.  මේක ඔරිජිනල් එකක්  හැබැයි."

"ප්‍රශ්නයක් නෑ මිස්ටර් මහේන්ද්‍ර මට දවස් දෙක තුනක් ඉන්න පුළුවන්.."

ජෙහාන් ඕනෑවට එපාවට උත්තර දුන්නේ කොටි අඩවියේ සිට වාද කිරීමෙන් පලක් නැති බව හොඳටම දන්නා නිසාය. අනෙක් අතට ඔහුට මහේන්ද්‍රන්  හරහා ලැබෙන අනෙක් සේවා දායකයින්ගේ ගොඩ සිහි කිරීමෙන් ඕනෑම දුකක් විඳ  හෝ  මේ කාර්යය  ඉවර කිරීමට ඔහු සිතා  ගෙන සිටියේය.

"මොකක්ද ජෙහාන් මහත්තය ඒ සද්දේ..."

කුමාර සිය කටහඬ අවදි කරේ මහේන්ද්‍රන් පිට වී යනවත් සමගය. ජෙහාන්ටත් නුපුරුදු ඒ  ඇසුනේ ඉරණමඩු වැව දෙසිනි.

"ට්‍රැක්ටරයක් වෙන්න ඇති බං  වරෙන් යමන් අරක ඉවරයක් කරලා නින්දක් දාමු.."  


Sunday, August 30, 2015

සීතල යුද්ධය ( Part 1 )


ඉරණමඩු




"දැන් නම් වාහනේ එන්ඩ වෙලා.."

ජෙහාන් සිගරට්ටුවක් දල්වගනිමින් සිය රියදුරුට පැවසුවේ ඉරණමඩු වැවේ වැදී  දිලිසෙන හිරු රශ්මිය නිසා ඇස අඩවන් කරමිනි. මේ ජෙහාන්  LTTE පාලන ප්රදේශයට පැමිණි පස් වෙනි වතාවයි. මීට පෙර හැම වතාවකම ඕමන්තෙයි මුරපොළ අසලට පමණක් OMEGA සංවිධානයට අයත් වාහනයකිනුත් එතැන් සිට කොටි සංවිධානයට අයත් වාහනයකිනුත් පැමිණීමට සිදු විය. 

“අපි කොහෙද සර් රෑට නතර වෙන්නෙ මුන්ගෙ කෑම්ප් එකකද?”

තරමක්  නිහඬ සහ මහත ශරීරයක්  ඇති රියදුරු මහතා ජෙහාන්ගෙන් ඇසුවේ තරමක බිය මුසු කටහඬකිනි. නමින් කුමාර හපුආරච්චි නමින් වූ ජෙහාන්ගේ රියැදුරු දරුපවුල් කාරයෙකි. ජෙහාන්  සිය ව්‍යාපාරය පටන් ගත් දා සිටම සිය සේවකයන් ඉතා ප්‍රවේශමෙන් තෝරාගත්තේය. ජෙහාන්ගේ සේවකයෙක් වීමට ඉතා සරල අවශ්‍යතා කීපයක් සපුරාලීම ප්‍රමාණවත් විය. ශ්‍රී ලංකා රජයේ ආරක්ෂක අංශ  වලට සම්බන්ධ නොවන , දරු පවුලක් ඇති සහ වඩාත්ම වැදගත් දේ  වූ කට පරෙස්සම් කරගැනීමේ හැකියාව  ඇති කුමාර ඒ සඳහා කදිමට ගැලපුණි.
        
ජෙහාන්ගේ ව්‍යාපාරය වුයේ විදේශ රට වලට ශිෂ්‍ය විසා  සඳහා ශ්‍රී ලංකික පුර වැසියන් යැවීමය.  එහිදී  ඔහුට දකුණ හෝ උතුර කියා වෙනසක් නොතිබිණි. කෙසේ වෙතත් කිසිදු රජයේ නීතියක් නොකඩා සිය ව්‍යාපාරය  කරගෙන යාමට ඔහු ඉතා පරෙස්සම් විය.

"තමුසේ බය වෙන්න එපා මහේන්ද්‍ර ඒක  බලාගනී.  අනික මේ පැත්තට වෙන්න කලබල අඩුයි. "

ජෙහාන් පැවසුවේ රතු පාට ගෝල්ඩ් ලීෆ්  වර්ගයේ සිගරට් පැකට්ටුව කුමාර දිහාට විසි කරමිනි. එත් සමගම ඈතින් ට්‍රක් රථයක හෝ  ට්‍රැක්ටරයක හඬ ඇසෙන්නට විය. 

"තමුසේ වාහනේට වෙලා ඉන්නවා." 

ජෙහාන් කුමාරට කියමින් සුදු පහත ටොයෝටා  ඩොල්ෆින්  වර්ගයේ වහනයෙන් එලියට බැස්සේය.

"මොකද ජෙහාන් ඩ්‍රයිවර් කෙනෙක් ?"  

පරණ ටොයෝටා  කැබ් රියෙන් බැසගත්  මැදි  වයසේ යැයි  සිතිය හැකි  LTTE නිල ඇඳුමෙන් සැරසුන අයෙක් ඇසුවේය. ඔහු නමින් අකිල්  මහේන්ද්‍රන් වූ අතර පළමු  ඊළාම්  යුද්දය  ආරම්භ වීමට  පෙර කීර්තිමත් සිවිල් ඉංජිනේරුවෙක් විය. LTTE  නායකයා  විසින් ඔහුව ඔඩ්ඩුසුඩාන්  හි ප්‍රධාන අණ  දෙන නිලධාරියා ලෙස පත් කොට තිබිණ . නමුත් කුමක් හෝ හේතුවකට ඔහුව ඉරණමඩු වලට ඒවා තිබිණි.

"මේ OMEGA එකේ ඩ්‍රයිවර් කෙනෙක් බය වෙන්න දෙයක් නෑ ෂුවර් පොරක්.  දුවගේ IELTS මොකද වුණේ?"

මහේන්ද්‍රගේ ප්‍රශ්නය වත පහකට ගණන් නොගත් ජෙහාන් කෙලින්ම වැඩේට බැස්සේය. ඔහුට ඒ තරමටම LTTE  කාඩර්ලා සමග ගණුදෙනු කර පුරුදුය.

" සේරටම  6.5ක්  තියනවා ඇති වෙයි නේද? මගේ ඩෝටර් මේ දවස් වල ජැෆ්නා වල ඉන්නේ  ෆොටෝස් ටික මම මේ වීක් එකේ ගෙන්නලා දෙන්නම් ජෙහාන්ට මම ඉන්න රූම් එකක් රෙඩි  කරලා තියෙන්නේ. මගේ වෙහිකල් එක පස්සෙන් එන්න මයින්ස් තියනවා ."

අන්තිමට දුම් උගුරත් ඉරූ  ජෙහාන් අහමඩ් නොහොත් පට්ටිවිල කංකානමලාගේ ජෙහාන් පල්ලියගුරු සිගරට් කොටය විසිකර පාගමින්  වාහනයට නැග්ගේය.     

"දැන් ඉතින් සතියක් මේ හුත්තෙ හිටහන්කෝ.. "